KLINIKA JONË

Marubi Dental Center u themelua në vitin 1996 nga Dr. Rakela & Dr. Riton Marubi, pjestarë të familjes së njohur të fotografëve “Marubbi”. Kjo klinikë shtrihet madje në studion e vjetër fotografike të dinastisë Marubbi, sot e transformuar në një strukturë të re, ultra moderne që i përshtatet standarteve më të larta botërore të stomatologjisë bashkëkohore.

Marubi Dental Center posedon gjithsej katër dhoma trajtimi, dy dhoma të dedikuara terapisë, një dhomë ortopedie dhe një sallë kirurgjie. Një organizim i tillë mundëson realizimin e proçedurave të natyrave të ndryshme në të njëjtën kohë e në ambiente të ndryshme, duke mundësuar kështu një shërbim më të mirë për pacientin.

Pjesë e pandarë e rrjedhës së punës në një klinikë stomatologjike është steriliteti. Kështu në klinikën tonë i është dedikuar një sallë e veçantë proçesit të sterilizimit. Kjo sallë është e dukshme nga pacientët të cilëve i mundësohet në këtë mënyrë që të vrojtojnë nga afër sterilizimin e instrumenteve të punës.

Një tjeter ambient i klinikës i kushtohet diagnostikimeve radiologjike, ku qendron Grafia Panoramike Digitale si dhe Grafitë Intraorale.